Բանաստեղծությունը
լի է կապույտ և նարնջագույն գույներով, արևի շողերով և տաքությամբ: Ամեն բան թրջված է և թաց, բայց ջերմ է` սառնություն
չկա:
Երկնքից ադամանդներ են թափվում, որոնք արևի շողերից ստանում են ծիածանի գույները և թափվում հողին: Մինչ հողին հասնելն արևի շողերը պարում են ադամանդյա կաթիլների մոլեկուլներում:
Երկնքից ադամանդներ են թափվում, որոնք արևի շողերից ստանում են ծիածանի գույները և թափվում հողին: Մինչ հողին հասնելն արևի շողերը պարում են ադամանդյա կաթիլների մոլեկուլներում:
Այդ ադամանդները հենց աստղերն են, որոնք հալվել են արևից և թափվում են
մոլորակի վրա:
Ադամանդները հագեցնում
են ծաղիկների և ծառերի ծարավը: Ամեն բան թրջվում
է, և գույներն ավելի են պայծառանում: Անդաստաններն ու այգին լուսավորված են սպիտակ
լույսով:
Խոնավ հողի բույրը
պարուրում է ողջ անտառը: Այնքա~ն անուշ բույր է:
Արտերում ցորենի ոսկեգույն
հասկերն են լողում: Դրանք ծածանվում են քամուց և նմանվում հայ պարուհիների:
Հասկերի
պարը միահյուսվում է քամու երաժշտությանը և ամբողջ բնությունն ականատես է լինում արվեստի
այդ հիասքանչ ստեղծագործությանը:
Իսկ հետո անտառում
մի եղնիկ լույս աշխարհ է բերում իր ձագուկին: Փաստորեն, անտառում տոն է: Գուցե այդ
եղնիկի համար էին աստղերն այդպես երկիր թափվում: Գուցե նրա համար էին ցորյաններն ու
քամին պար բռնել:
Նորածին եղնիկն իրականում հաջողակ էր: Նա ծնվելուն պես տեսավ ծիածանը: Յոթ
գույն ունեցող այն պայծառ ծիածանը, որը միշտ հետևում է գարնան արևոտ անձրևներին: Նա իր ծննդյան առաջին րոպեներից հնարավորություն
ունեցավ ճաշակելու խորհրդավոր ծիածանի համը, որն իր մեջ Աստծո խոստումն է արտացոլում:
Էլինա Հակոբյան
Էլինա Հակոբյան
Ապրես։ Միայն որոշյալ հոդերին ուշադրություն դարձրու։ Բաղաձայնով սկսվող բառերից առաջ հարկվոր է ը հոդն օգտագործել։
ReplyDelete